SOBERANÍA DE NAVARRA by Nabartzale bilduma. Este es el correo para escritos, artículos, comentarios y sugerencias. Los artículos, escritos y comentarios deben estar debidamente firmados por su autor o autora en formato Word. Solo se publicaran aquellos escritos que estén realizados desde la independencia y soberanía de su autor o autora siguiendo los criterios editoriales de los miembros de NABARRAKO BURUJABETASUN-SOBERANÍA DE NAVARRA. nabartzale@gmail.com

2013/08/09

Independentziara bidean, abertzaleon batasuna

Independentziara bidean, abertzaleon batasuna
Asier Ezpeleta, Orreagako kidea. (BERRIA) Donostia-Nabarra

Garbi ikusten dut gure Herria/Nazioa bizi den lurraldean beste bi herri/nazio bizi direla eta, gainera, beren interesak defendatuko dituen estatu bana dutela. Eta garbi ikusten dut, baita ere, bi nazio-estatu horiek urratzen dutela gure Herriaren eta Herria osatzen dugun bakoitzaren askatasuna.

Ados zaudete esaten badut herri baten askatasuna oztopatu eta bahitzen duen nazio-estatua nekez izango dela demokratikoa? Eta iruditzen zait hori bera esan daitekeela nazio-estatu horiek legitimatzen dituzten herritarrei buruz. Demokrata bat poztu egingo litzateke herri batek independentzia lortuko balu. Bestela, a zer-nolako demokrata!

Eta ados zaudete esaten badut gure independentziaren etsairik eta oztopatzailerik sutsuenak Frantzia eta Espainiako Estatuak direla? Eta independentzia estatu zapaltzaile horien eta horiek legitimatzen dituzten herritarren aurka lortu beharko dugula (ez haien baimenaz, eta, are gutxiago, laguntzaz)?

Horregatik pentsatzen dut ezin dugula gure Herria independentziara bidean jarri zapalduta egotea nahi eta eragiten dutenekin. Pentsatzen dut demokraziarik ezaren adibide garbia direnengana hurbiltzeak askatasunetik aldendu egingo gaituela gerturatu beharrean. Eta galdetzen dut nola jarriko gaituen independentziara bidean gure Herriaren eta Herria osatzen dugun bakoitzaren askatasunak bahituta jarrai dezan nahi dutenekin eskua emanda joateak.

Gure Herriaren independentzia helburu abertzale bat da, eta abertzaleen arteko batasuna behar du. Ezin dugu pentsatu hain justu kontrakoa desiratzen dutenekin eskua emanda Herri aske bat ikusiko dugunik. Nola emango diot nire eta nire Herriaren askatasuna zapaldua duenari horren gainean erabakitzeko eskumena? Gure arteko batasuna ez da batasun sentimental hutsa, ez da helburuekiko batasun hutsa. Batasuna politikoa izan behar da, hots, batasun estrategikoa; estrategiarik gabe ez baitago politikarik. Orreagan, aspaldi ari gara mezu hori zabaltzen. Askotan saiatu gara politikaren eta estrategiaren esanahia eta haien arteko lotura azaltzen. Estrategiarik gabe ez dago politikarik, eta politikarik gabe ezin da lortu askatasuna.

NABARRAKO ERESERKIA

Nabarra, reflexiones de un Patriota

Reflexiones de un Patriota by Iñigo Saldise Alda
ASKATASUNA = Baskoinak x Nafar Paradigma

"PRO LIBERTATE PATRIA GENS LIBERA STATE"

"Aberri askearen alde jende librea jaiki"

"De pie la gente libre a favor de la libertad de la patria"

Navarre shall be the wonder of the world

by WILLIAM SHAKESPEARE

EUSKARA-LINGUA NAVARRORUM

EUSKARA-LINGUA NAVARRORUM

©NABARTZALE BILDUMA 2011

©NABARTZALE BILDUMA 2011